Kurs i grunnleggjande lesing/skriving og kurs i grunnleggjande digital kompetanse

Hjelpemidlar og arbeidsreiskap: Undervisninga er delt mellom data, andre digitale hjelpemidlar som t.d. mobil og innføring i lese- og skriveteknikkar. Det er praktisk bruk som er fokus saman med studieteknikk.

Vanskegrad: Kurset er retta mot nybegynnarar på data og dei som sjeldan brukar internett, e-post og sms. Lese- og skrivedelen er på grunnskulenivå, slik at kurset er godt tilpassa om du har vanskar med lesing og skriving.

Kvardag: Kurset rettar seg mot kvardagsaktivitetar som avislesing, sms, klage på ei vare, avvise telefonselgjar, finne informasjon på oppslagstavle, ferjeruter, skjemautfylling og internettbruk.

Arbeid: Ved arbeidslivsoppgåver har vi fokus på forståing av oppslag og arbeidsinstruks, bruk av bruksanvisning, skriving av arbeidslogg og bestillingslister, gje muntleg rapport og formidle muntlige beskjedar.

Gjennomføring av kurset vert gjort i samarbeid med arbeidsgjevar og fagorganisasjon. Etter avtale kan deler av kurset gjennomførast i arbeidstida, på arbeidsplassen og i tilknytning til dei arbeidsoppgåvene du vanlegvis har.

Er dette interessant for deg?

Ta kontakt med din arbeidsgjevar, med din fagforeiningsleiar eller med Kvinnherad vaksenopplæring. Du vil då få meir informasjon om oppstartsdato, tider og innhald.

Meir informasjon kan du og finne på sidene til VOX.no, under BKA-midlar.

Administrasjon: Elisabeth Croles, rektor: tlf: 53 46 19 22 elisabeth.croles@kvinnherad.kommune.no

Aksen, 5460 Husnes

Vaksenopplæringa Kvinnherad kommune Postboks 268 5460 Husnes