Brev til Nærings- og handelsdepartementet

Nærings- og handelsdepartementet

V/Trond Giske

Pb 8014

0030 Oslo

                                                                          Husnes, 12.november 2009

VEDKJEM SITASJONEN VED SØR–NORGE ALUMINIUM AS I KVINNHERAD

Kvinnherad Næringsservice syner til brevet frå Kvinnherad kommune dagsett 9.11.09 til Nærings- og handelsminister Trond Giske med ønskje om eit møte med departementet for å diskutere tilhøva ved hjørnesteinsbedrifta i kommunen.

Kvinnherad Næringsservice er ein sjølvstendig organisasjon oppretta av næringslivet i Kvinnherad kommune med føremål å bidra til næringsutvikling i kommunen. Vi har om lag 100 medlemsbedrifter med til saman 2900 tilsette.

Vi vil understreke næringsorganisasjonen vår ser, på lik line med kommunen, med stor uro på kva som og vil skje med anna næringslivet i kommunen og regionen dersom SØRAL får ytterlegare problem. Høge energiprisar og CO2- avgiftar er slik vi ser det hovudårsakene til den vanskelege situasjonen bedrifta har kome opp i, i  til tillegg til redusert etterspørsel av aluminium.

Det er svært vanskelig for bedrifter i Kvinnherad som er underleverandørar til aluminiumsverket.

I tillegg utgjer verftsindustrien som og går trongare tider i møte ein viktig næring i vårt distrikt.

Vi vil med dette brevet peike på dei alvorlege konsekvensane det vil få for regionen vår om aluminiumsproduksjon ved Sør-Norge Aluminium AS må halde fram med redusert produksjon.

Vi ber departementet gjere det som står i deira makt for å ta grep i samband med situasjonen.

Med venleg helsing

Kvinnherad Næringsservice

Karin Thauland                     Solveig  Aalde Bark