Stor etablerarlyst i Sunnhordland

Samarbeidsrådet for Sunnhordland hadde oppstart på nytt etablerarkurs onsdag 16. september med 30 deltakarar.

Det er svært gledeleg for regionen at så mange går med planar om å starta sin eigen bedrift og Samarbeidsrådet i saman med førstelinjetenesta i kommunane vil følgje prosjekta vidare.

Etablerarkurset går over to dagar og gjev ei innføring i utvikling av forretningsplan. På kurset får deltakarane og informasjon om virkemiddelapparatet, ulike selskapsformer, registrering av firma, forsikringar og andre viktige områder innan etablering av bedrift.

I etterkant vil deltakarane få tilbod om temakurs innan blant anna økonomi, marknads-/kommunikasjonsstrategi og webprofil.

Kurset er finansiert av Hordaland fylkeskommune, deltakaravgift og Samarbeidsrådet for Sunnhordland.